У Магілёве стартуе рэспубліканскі конкурс студэнцкіх сем'яў

 Ён пройдзе на базе Беларускага дзяржаўнага ўніверсітэта харчовых і хімічных тэхналогій, а ўдзел у ім прымуць сем каманд з розных рэгіёнаў краіны.

Конкурсная праграма разлічана на тры дні. Сёння, 16 мая, студэнцкія сем'і будуць дэманстраваць свае сілы ў спартыўным квэсты, пасля чаго ім трэба будзе сумесна вырабляць ключніцу на спаборніцтве пад назвай «Умелыя рукі».

У пятніцу для канкурсантаў падрыхтавалі адразу чатыры іспыты. Першае – «Сямейны бюджэт» - пакажа, наколькі ўмела муж і жонка могуць распараджацца абмежаванай сумай грошай пры планаванні і куплі прадуктаў для сямейнай вячэры. Яго падрыхтоўкай - на дзве персоны - затым яны непасрэдна і зоймуцца. Кулінарныя здольнасці, сервіроўку і крэатыў маладой пары ацэніць журы. У гэты ж дзень маладым трэба расказаць гісторыю сваіх сем'яў на прыкладзе вырабленых імі сямейных дрэў.

Фінальная частка насычанай конкурснай праграмы пройдзе ў суботу, 18 мая. На сцэне канкурсанты будуць даказваць, чаму менавіта іх сям'я дастойна звання лепшай у краіне. Гледачы і ўдзельнікі гэтага этапа змогуць акунуцца ў рамантычную гісторыю кожнай шлюбнай пары ў спаборніцтве «Ты памятаеш, як усё пачыналася?». Па традыцыі самым яркім стане творчы этап «Сям'я талентамі багатая», у якім канкурсанты пакажуць шматграннасць сваіх талентаў.

Навінкай гэтага года стане арганізацыя online-трансляцыі фінальных этапаў конкурсу. У кожнага будзе магчымасць аддаць свой голас за ўпадабаную студэнцкую сям'ю, якая па выніках online-галасавання стане ўладальнікам прыза сімпатый гледачоў.

- Безумоўна, мы вельмі рады, што вось ужо сем гадоў займаемся арганізацыяй і правядзеннем такога выдатнага конкурсу, цікавасць да якога пастаянна расце, - адзначыла прарэктар па выхаваўчай рабоце Беларускага дзяржаўнага ўніверсітэта харчовых і хімічных тэхналогій Вольга Мацыкава. – Галоўная задача незвычайнага творчага спаборніцтва – фарміраванне ў моладзі пазітыўнага стаўлення да традыцыйных сямейных каштоўнасцей, адказнага бацькоўства. Дарэчы, у сёлетнім конкурсе ўдзельнічаюць нашы студэнты – сям’я Жэшка. Валерыя і Данііл пазнаёміліся ва ўніверсітэце, а два гады таму - якраз падчас конкурсу - сталі мужам і жонкай, на ўрачыстасць былі запрошаны студэнцкія сем'і, якія ўдзельнічалі ў конкурсе.

СБ